კიევის ქუჩას რუსეთის იმპერიის არმიის ინფანტერიის გენერალის პეტრე ბაგრატიონის სახელი გადაერქვა და რუსი ოკუპანტების მიერ მოკლული ფოტოგრაფის მაქსიმ ლევინს სახელი დაერქვა.
ამის შესახებ, კიევის მერმა ვიტალი კლიჩკომ განაცხადა. მისი ინფორმაციით, კიევში კიდევ 40 ქუჩას სახელი გადაერქვა, რომელთა სახელები რუსეთს ან სსრკ-ს უკავშირდებოდა.

ქუჩების ახალი სახელები ქალაქის მცხოვრებლებმა შეარჩიეს. კერძოდ, მათ შეცვალეს ქუჩების სახელები: ნეკრასოვსკაია, პუშკინსკაია, ამურსკაია და ასტრახანსკაია.

ცნობილი უკრაინელი ფოტოჟურნალისტი და დოკუმენტალისტი მაქიმ ლევინი ოკუპანტებმა ცეცხლსასროლი იარაღიდან ორჯერ გასროლით მოკლეს. დანაშაული 2022 წლის 13 მარტს მოხდა. ფოტოჟურნალისტის ცხედარი ვიშგოროდის რაიონის სოფელ გუტა მეჟიგორსკაიაში იპოვეს.

პეტრე ბაგრატიონი იყო რუსეთის არმიის ინფანტერიის გენერალი (1809), 1812 წლის საფრანგეთ-რუსეთის ომის გმირი. წარმოშობით ის ბაგრატიონთა ქართული სამეფო გვარიდან იყო. ბაგრატიონი მონაწილეობდა კავკასიის მთიელთა წინააღმდეგ ბრძოლებში, სადაც რუსმა იმპერალისტებმა მრავალი ათასი კავკასიელი გაანადგურეს. მან ასევე თავი გამოიჩინა 1787-1791 წლებში რუსეთ-ოსმალეთის ომის დროს. 1793-1794 წლებში მონაწილეობდა პოლონელი ხალხის ხოცვა ჟლეტვაში. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს