რუსეთს შეუძლია გაზის ტრანზიტი Nord Stream-იდან შავი ზღვის რეგიონში და თურქეთში გადაიტანოს, - განაცხადა რუსეთის პრეზიდენტმა, ვლადიმერ პუტინმა ენერგეტიკის კვირის ფორუმზე.

„ჩვენ ასევე შეგვიძლია გადავიდეთ შავი ზღვის რეგიონში და ამით გავხადოთ ძირითადი მარშრუტები ჩვენი საწვავის, ჩვენი ბუნებრივი აირის ევროპაში მიწოდებისთვის თურქეთის გავლით. თურქეთში არის ევროპის უდიდესი გაზის კერა, თუ, რა თქმა უნდა, ჩვენი პარტნიორები დაინტერესდებიან ამით“, - ამბობს დიქტატორი. 

პუტინმა დასძინა, რომ რუსეთი მზადაა, გადარჩენილი Nord Stream 2-ით, ევროპას გაზი მიაწოდოს. 

„ბურთი, როგორც ამბობენ, ევროკავშირის მხარესაა.ჩვენ არავის არაფერში ვზღუდავთ, მათ შორის მზად ვართ მივაწოდოთ დამატებითი მოცულობები შემოდგომა-ზამთრის პერიოდში“, - განაცხადა პუტინმა. 

ცნობისთვის, 27 სექტემბერს Nord Stream 1 და Nord Stream 2 მილსადენების სამ ადგილას გაზის გაჟონვა დაფიქსირდა. მოგვიანებით შვედეთში გაზის გაჟონვის კიდევ ერთი წყარო აღმოაჩინეს .

შვედი სეისმოლოგების აზრით, გაჟონვა შეიძლებოდა მომხდარიყო წყალქვეშა აფეთქებების შედეგად , რომლებიც დაფიქსირდა იმ ტერიტორიაზე, სადაც გადის გაზსადენები.

ნატო ასევე თვლის, რომ გაზის გაჟონვა ჩრდილოეთ ნაკადის განშტოებაზე დივერსიის შედეგად მოხდა.

ავტორი: ექსპრესნიუსი,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი