უკრაინის თავდაცვის მინისტრი, ოლექსი რეზნიკოვი აცხადებს, რომ გერმანული IRIS-T-ის სარაკეტო სისტემები უკვე უკრაინაშია.

როგორც რეზნიკოვმა "ტვიტერზე" დაწერა, ქვეყანას ამერიკული „ნასამსებიც“ მალე ექნება.

„საჰაერო თავდაცვის ახალი ეპოქა დაიწყო. გერმანიიდან IRIS-T-ის სისტემები უკვე აქ არის. ამერიკული NASAMS კი, მალე აქ იქნება. ეჭვგარეშეა, რომ რუსეთი ტერორისტული სახელმწიფოა. არსებობს მორალური იმპერატივი, დავიცვათ ცა უკრაინის თავზე ჩვენი ხალხის გადასარჩენად“, - წერს რეზნიკოვი.

ცნობისთვის, გერმანიამ უკრაინას ოთხი საჰაერო თავდაცვის სისტემის Iris-T SLM პირველი გადასცა. Der Spiegel-ის ცნობით, ეს არის ყველაზე თანამედროვე საჰაერო თავდაცვის სისტემა, რომელიც გერმანიას აქვს.

Iris-T SLM საზენიტო სარაკეტო სისტემა შედგება სამი მანქანისგან: გამშვები სამხედრო სატვირთო მანქანაზე, სარადარო მანქანა და სამეთაურო მანქანა. საზენიტო რაკეტებს შეუძლიათ სამიზნეების დარტყმა 20 კილომეტრის სიმაღლეზე და 40 კილომეტრამდე მანძილზე.

ავტორი: ექსპრესნიუსი,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი