ლიმანთან დამარცხება იმაზე მიუთითებს, რომ რუსეთის პრეზიდენტი ვლადიმერ პუტინი, რომელიც, როგორც ცნობილია, ადგილზე რუს მეთაურებს ხელმძღვანელობს, პრიორიტეტს ანიჭებს ლუგანსკის რეგიონის დაცვას სამხრეთ უკრაინაში ოკუპირებული ტერიტორიების დაკავების სასარგებლოდ. ამის შესახებ, ნათქვამია ომის შესწავლის ამერიკული ინსტიტუტის (ISW) ყოველდღიურ ანგარიშში.

უკრაინული და რუსული წყაროები მიუთითებენ, რომ რუსეთის ჯარებმა განაგრძეს პოზიციების გაძლიერება ხერსონისა და ზაპოროჟიეს რაიონებში, მიუხედავად ხარკოვ-იზიუმის ფრონტის ბოლო ნგრევისა და თუნდაც იმ ფაქტის, რომ ლიმანის გარშემო რუსული თავდაცვა დაინგრა.

ISW ექსპერტები ამბობენ, რომ გადაწყვეტილება არ გამაგრებულიყო დაუცველი ფრონტის ხაზები კუპიანსკისა და ლიმანის გარშემო, ცხადია, პუტინის გადაწყვეტილება იყო და არა სამხედრო სარდლობის. „ეს იმაზე მეტყველებს, რომ პუტინი ბევრად უფრო ზრუნავს ხერსონისა და ზაპოროჟიეს რეგიონების სტრატეგიული ტერიტორიების შენარჩუნებაზე, ვიდრე ლუგანსკის რეგიონზე“, - წერენ ისინი.

უკრაინელი სამხედროები ლიმანში შევიდნენ. სოციალურ ქსელში გავრცელდა ვიდეო, სადაც უკრაინელი სამხედროები ქალაქის შესასვლელთან სტელს დროშას აკრავენ. თვითმხილველებმა დაადასტურეს, რომ უკრაინელი სამხედროები ქალაქის დასავლეთ ნახევარში იმყოფებიან.
ბოლო რამდენიმე კვირის განმავლობაში უკრაინის შეიარაღებული ძალები უტევდნენ რუსული ჯარების პოზიციებს ლიმანის გარშემო. ეს არის პატარა ქალაქი დონეცკის ოლქში, ომამდე მასში დაახლოებით 20 ათასი ადამიანი ცხოვრობდა. რუსმა ჯარებმა ქალაქი აიღეს 2022 წლის ზაფხულის დასაწყისში.

ავტორი: ექსპრესნიუსი,

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა