ეს მოჩვენებითი ერთობა, რომ ხალხი ხელჩაკიდებულია, იმის ნიშანია, რომ პუტინს უჭირს,- ამის შესახებ შეერთებული შტატების პრეზიდენტმა, ჯო ბაიდენმა განაცხადა.

მისი თქმით, აშშ და მსოფლიო ამას არ აღიარებს.

„ამერიკის შეერთებულ შტატებსა და მის მოკავშირეებს პუტინის უგუნური სიტყვები და მუქარა არ შეაშინებს. პუტინის ქმედებები იმის ნიშანია, რომ მას უჭირს. მოჩვენებითი რეფერენდუმი, რომელიც მან ჩაატარა და ის რუტინა, რომელიც დღეს აჩვენა, ეს მოჩვენებითი ერთობა, რომ ხალხი ხელჩაკიდებულია და ა.შ. აშშ ამას არასდროს აღიარებს, მსოფლიოც არ აღიარებს.

პუტინს არ შეუძლია მეზობელი ქვეყნების მითვისება და წყლიდან მშრალად გამოსვლა, ჩვენ გეზს არ შევიცვლით, მივაწოდებთ სამხედრო აღჭურვილობას, რომ  უკრაინამ თავდაცვა შეძლოს, შეძლოს ტერიტორიებისა და თავისუფლების დაცვა, ეს დახმარება მოიცავს კონგრესის მიერ გამოყოფილ დამატებით რესურსს, 13 მილიონ დოლარს",- განაცხადა ბაიდენმა. 

შეგახსენებთ, რომ გუშინ, რუსეთის პრეზიდენტმა ვლადიმერ პუტინმა უკრაინის ოთხი ოკუპირებული რეგიონის ანექსიის შესახებ განკარგულებას ხელი მოაწერა.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას