აჭარის მთავრობა ხანძრითა და სტიქით დაზარალებულ 42 ოჯახს დაეხმარება. საკითხი შერეული სამთავრობო კომისიის სხდომაზე განიხილეს, რომელსაც აჭარის ჯანმრთელობისა და სოციალური დაცვის მინისტრი ნინო ნიჟარაძე უძღვებოდა. 

,,კომისიის წევრებთან ერთად განვიხილეთ ხანძრისა და სტიქიის შედეგად დაზარალებული ოჯახების ფინანსური დახმარების საკითხი. კომისიის რეკომენდაცია უახლოეს დღეებში გადაეგზავნება მთავრობის თავმჯდომარეს. დახმარებას 42 ოჯახი მიიღებს, რისთვისაც რესპუბლიკური ბიუჯეტის სარეზერვო ფონდიდან გამოიყოფა 463 350 ლარი'' - აღნიშნა მინისტრმა, ნინო ნიჟარაძემ.
ფინანსურ დახმარებას რეგიონის ექვსივე მუნიციპალიტეტში დაზარალებული ოჯახები მიიღებენ:

•  ქ. ბათუმის მუნიციპალიტეტის ტერიტორიაზე მცხოვრები, ხანძრის შედეგად დაზარალებული - 1 ოჯახი;
• ხელვაჩაურის მუნიციპალიტეტის ტერიტორიაზე მცხოვრები, სტიქიის შედეგად დაზარალებული - 6 ოჯახი;
• ქობულეთის მუნიციპალიტეტის ტერიტორიაზე მცხოვრები, ხანძრისა და სტიქიის შედეგად დაზარალებული - 20 ოჯახი;
•  ქედის მუნიციპალიტეტის ტერიტორიაზე მცხოვრები, სტიქიის შედეგად დაზარარლებული - 6 ოჯახი;
•  შუახევის მუნიციპალიტეტის ტერიტორიაზე მცხოვრები, სტიქიის შედეგად დაზარალებული - 6 ოჯახი;
•  ხულოს მუნიციპალიტეტის ტერიტორიაზე მცხოვრები, ხანძრის შედეგად დაზარალებული - 3 ოჯახი.

2022 წელს, აჭარის ავტონომიური რესპუბლიკის ადმინისტრაციულ საზღვრებში, სტიქიით მიყენებული ზიანის სალიკვიდაციო შერეული სამთავრობო კომისიის რეკომენდაციით, რესპუბლიკური ბიუჯეტით გათვალისწინებული სარეზერვო ფონდიდან დღემდე, 153 ოჯახს ფინანსური დახმარების სახით გამოეყო   1 837 769 ლარი. აქედან: ხანძრით დაზარალებულ 43 ოჯახს, სტიქიით დაზარალებულ 110 ოჯახს, რაც ითვალისწინებს საცხოვრებელი სახლების აღდგენა, მშენებლობას ან რეაბილიტაციას.

ავტორი: NS (სტატია დაფინანსებულია),

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს