რუსული პირველი არხის ყოფილი ჟურნალისტი, მარინა ოვსიანიკოვა რომელმაც ანტისაომარი აქცია გამართა კრემლის წინ, დაკავებულია.

 ჟურნალისტის  ადვოკატმა, დიმიტრი ზახვატოვმა, სახელმწიფო საინფორმაციო სააგენტო „რია-ნოვოსტის“  მისი დაკავება დაუდასტურა, თუმცა განმარტა, რომ უცნობია სად გადაიყვანეს დაკავებული.

 „ არ ვიცი ახლა სად არის, ვვარაუდობ, რომ ეს ასე თუ ისე მის საპროტესტო აქტს უკავშირდება“, - დასძინა ადვოკატმა.

„მარინა დაკავებულია“, - წერს მისი გარემოცვა ჟურნალისტის Telegram-ის ანგარიშზე. „არ არსებობს ინფორმაცია იმის შესახებ, თუ სად არის იგი“.

 რუსეთში ანტისაომარმა პროტესმა  შეიძლება გამოიწვიოს სისხლის სამართლებრივი დევნა ჯარის შესახებ „ცრუ ინფორმაციის“ გამოქვეყნებისა და „დამცირების“ გამო, დანაშაულები, სასჯელის ზომად პატიმრობას ითვალისწინებს.

ოვსიანიკოვა საერთაშორისო მასშტაბით ცნობილი მარტში გახდა, როდესაც მან ხელი შეუშალა პირდაპირ სატელევიზიო მაუწყებლობას ომის საწინააღმდეგო პლაკატებით.იგი მცირე ხნით დააკავეს და შემდეგ ჯარიმის სანაცვლოდ გაათავისუფლეს. 

მარტის პროტესტის შემდეგ, ოვსიანიკოვამ გარკვეული დრო საზღვარგარეთ გაატარა, მათ შორის უკრაინაში. ჟურნალისტმა ივლისის დასაწყისში განაცხადა, რომ ის რუსეთში ბრუნდებოდა შვილების მეურვეობის შესახებ დავის მოსაგვარებლად.

ავტორი: ექსპრესნიუსი,

სოციალური ქსელები

ირაკლი კობახიძე – საქართველო და თურქმენეთი სტაბილური და სანდო სავაჭრო პარტნიორები არიან

ახალქალაქში, საკუთარ სახლში, მამაკაცის ცხედარი იპოვეს

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა