რუსი ოკუპანტები სევეროდონეცკის 70%-ზე მეტს აკონტროლებენ, ქალაქში ბრძოლები გრძელდება,- ამის შესახებ ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ განაცხადა.

მისი თქმით, დაბომბვის გამო მასობრივი ევაკუაცია და ჰუმანიტარული დახმარების მიწოდება შეუძლებელია. სამხედროები დღეში მხოლოდ რამდენიმე ადამიანის გაყვანას ახერხებენ, ბრძოლები კი იმდენად მძიმედ მიმდინარეობს, რომ ისინი შეიძლება დღეების განმავლობაში გაგარძელდეს.

„აზოტის“ ქარხანაში სევეროდონეცკის 500-მდე მცხოვრები რჩება, მათგან 40 ბავშვია. სამრეწველო ტერიტორია ძლიერ დაბომბულია დიდი კალიბრის არტილერიით.

გაიდაიმ თქვა, რომ უკრაინა აწარმოებს მოლაპარაკებებს მშვიდობიანი მოსახლეობის გაყვანის თაობაზე სევეროდონეცკის „აზოტის“ ქარხნიდან.

„ჩვენ ვცდილობთ შევთანხმდეთ ირინა ვერეშჩუკის დახმარებით დერეფნის მოწყობაზე, ჯერჯერობით უშედეგოდ. „აზოტის“ თავშესაფრები ისეთი ძლიერი არ არის, როგორც მარიუპოლის „აზოვსტალში“, ამიტომ ჩვენ უნდა გამოვიყვანოთ ხალხი უშეცდომოდ უსაფრთხოების გარანტიებით”,-განაცხადა გაიდაიმ.

ამასთან, გაიდიას თქმით, ლისიჩანსკში დამპყრობლებმა დაბომბვა გააძლიერეს. ბოლო დღეებში ამ ქალაქში ყველაზე მეტი დაღუპული და დაჭრილია.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს