რუსეთს ეწურება ზუსტი მართვადი რაკეტები, მაგრამ ამჟამინდელი ტემპით მას შეუძლია კიდევ ერთი წელი აწარმოოს ომი უკრაინის წინააღმდეგ, - ამის შესახებ უკრაინის თავდაცვის სამინისტროს დაზვერვის მთავარი სამმართველო იტყობინება.

ამასთან, აღნიშნულია, რომ რუსული ეკონომიკური რესურსები ოკუპანტ ქვეყანას საშუალებას მისცემს, კიდევ ერთი წელი გააგრძელოს ომი არსებული ტემპით.

"ჩვენ შევამჩნიეთ, რომ რუსეთი ახორციელებს ბევრად ნაკლებ სარაკეტო შეტევებს და იყენებს Kh-22 რაკეტებს. ეს არის 1970-იანი წლების ძველი საბჭოთა რაკეტები. ეს მიუთითებს იმაზე, რომ რუსეთს ამოიწურა ზუსტი მართვადი რაკეტები.

კრემლის ხელმძღვანელობა სავარაუდოდ შეეცდება ომის გაყინვას გარკვეული პერიოდის განმავლობაში, რათა დაარწმუნოს დასავლეთი სანქციების მოხსნაში, მაგრამ შემდეგ გააგრძელოს აგრესია. მათი მიზანია მთელი უკრაინა და არა მხოლოდ", - განაცხადა უკრაინის სამხედრო დაზვერვის წარმომადგენელმა,  ვადიმ სკიბიცკიმ. 

მანამდე სკიბიცკიმ თქვა, რომ უკრაინა ახლა დასავლურ იარაღს ეყრდნობა, მაგრამ ცოტა საბრძოლო მასალაა დარჩენილი. 

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე