გენერალი ალექსანდრე დვორნიკოვი, რომელსაც აპრილში უკრაინაში „სპეციალური ოპერაციის“ მეთაურობა დაევალა, ორი კვირაა ფრონტზე არ გამოჩენილა, წერს The New York Times. გამოცემის წყაროები მიიჩნევენ, რომ ეს სამხედროების გაყვანაზე მიუთითებს.

გენერალი არც მოსკოვში ჩანს და მისი მობილური ტელეფონი გამორთულია. პროექტი "სხემა" შეეცადა დაედგინა გენერლის ადგილსამყოფელის დადგენას, თუმცა უშედეგოდ. 

გამოცემა წერს, მიზანი რის გამოც გენერალი დაინიშნა ე.წ სპეციალური ოპერაციის მეთაურის პოსტზე, თავდაცვის სამინისტროს გეგმის ჩავარდნის გამო მოხდა, რაც გამოწვეული იყო იმით, რომ რუსეთის ჯარმა დასახული მიზნების მიუღწევლად დატოვა სამი მნიშვნელოვანი რეგიონი ჩრდილოეთ უკრაინაში: კიევის, ჩერნიგოვისა და სუმის ოლქები და დაიძრა აღმოსავლეთისკენ. კრემლი მიიჩნევდა რომ "სირიელი ყასაბის" აღმოსავლეთის ფრონტის ვითარებას გააუმჯობესებდა.

დვორნიკოვის დანიშვნა, რომელიც 2015-2016 წლებში მეთაურობდა რუსული ჯარების დაჯგუფებას სირიაში, განიხილებოდა, როგორც ომში რუსეთის თავდაცვის სამინისტროს წარუმატებლობის აღიარება. დვორნიკოვს სამხედრო ნაწილებს შორის სუსტი კოორდინაციის დამყარება მოუწია.

61 წლის არმიის გენერალი ალექსანდრ დვორნიკოვი, რუსეთის ერთ-ერთ ყველაზე გამოცდილ სამხედრო მეთაურად მიიჩნევა: მონაწილეობა აქვს მიღებული ჩეჩნეთის მეორე ომში;

ხელმძღვანელობდა რუსეთის ჯარებს სირიაში და ბოლო დრომდე იყო რუსეთის ფედერაციის სამხრეთის სამხედრო ოლქის მეთაური.

ალექსანდრ დვორნიკოვმა სწორედ სირიაში „გაითქვა სახელი“, სადაც მას მშვიდობიანი მოსახლეობის მიმართ გამოჩენილი სისასტიკისათვის „სირიელი ყასაბი“ შეარქვეს. რუსი გენერალი და მის დაქვემდებარებაში მყოფი ძალები არაერთხელ დაადანაშაულეს სამოქალაქო უბნებისა და საავადმყოფოების დაბომბვაში.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს