2022-05-18 08:48:30, 1701 ნახვა
ომი უკრაინაში
ჯანმო ოკუპირებულ მარიუპოლში ქოლერის გავრცელების საფრთხეზე საუბრობს
მარიუპოლში განადგურებული წყალმომარაგების სისტემის გამო ინფექციური დაავადებების, კერძოდ ქოლერის გავრცელება შესაძლებელია, - ამის შესახებ, ჯანდაცვის მსოფლიო ორგანიზაციის საგანგებო სიტუაციების რეგიონულმა დირექტორმა დორიტ ნიცანმა განაცხადა.
„ჩვენ მივიღეთ ინფორმაცია იქ მომუშავე არასამთავრობო ორგანიზაციებისგან, რომ ქუჩებში უბრალოდ ჭაობია, კანალიზაცია კი სასმელ წყალშია შერეული“, - განაცხადა ნიცანმა პრესკონფერენციაზე.
მან გაიხსენა, რომ ქოლერის შემთხვევები დაფიქსირდა მარიუპოლში 2011 წლამდე, ამიტომ ჯანმო ემზადება ახალი ეპიდემიის შესაძლებლობისთვის, კერძოდ, ამზადებს ქოლერის კომპლექტებსა და ვაქცინებს.
ავტორი: ექსპრესნიუსი,
epn.ge (@expressnews.ge)
