2022-05-14 17:41:52, 1801 ნახვა
ომი უკრაინაში
ხარკოვის მერი - რუსმა ოკუპანტებმა შტურმი ვერ შეძლეს
რუსმა ოკუპატებმა ხარკოვის შტურმი ვერ შეძლეს. - ამის შესახებ ინფორმაციას ქალაქის მერი, იგორ ტერეხოვი ავრცელებს.
მისივე თქმით, ამ დროისათვის ქალაქში სიმშვიდეა.
" რუსმა ოკუპანტებმა ხარკოვის შტურმი ვერ შეძლეს. მტრის ჯარები ტოვებენ ქალაქის გარეუბნებს და რუსეთ-უკრაინის საზღვრისკენ მიემართებიან" - ნათქვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
