რომის პაპმა ფრანცისკემ ვატიკანის წმინდა პეტრეს მოედანზე შუადღის ქადაგებისას უკრაინის ომს "კაცობრიობის საშინელი უკუსვლა" უწოდა, რის გამოც ის "იტანჯება და ტირის".

პაპმა მარიუპოლის დაბომბვასა და განადგურებას უწოდა ბარბაროსობა და მოუწოდა ჰუმანიტარული დერეფნის შექმნას აზოვსტალში მყოფთათვის.

გუშინ, აზოვის პოლკის მეთაურის მოადგილის, სვიატოსლავ პალამარის თქმით, რუსი სამხედროების მიერ ალყაში მოქცეული მარიუპოლის აზოვსტალის ქარხნის ტერიტორიიდან 20 ქალი და ბავშვი იქნა ევაკუირებული. სააგენტო RIA Novosti-მ გუშინ ასევე გაავრცელა ინფორმაცია, რომ აზოვსტალის ტერიტორია 25 მშვიდობიანი მოქალაქე დატოვა: 19 ზრდასრული და ექვსი ბავშვი.

ეს არ არის პირველი შემთხვევა, როდესაც რომის პაპი უკრაინის ომზე საუბრობს. აპრილის დასაწყისში მალტაში ვიზიტის დროს მან თქვა, რომ "ომის სიბნელე მოვიდა" აღმოსავლეთ ევროპიდან.

„მიუხედავად იმისა, რომ კიდევ ერთხელ ვიღაც გავლენიანი, სამწუხაროდ, ჩაკეტილი ნაციონალისტური ინტერესების ანაქრონიტურ პრეტენზიებში, პროვოცირებს და იწვევს კონფლიქტს, უბრალო ხალხი გრძნობს მომავლის აშენების აუცილებლობას, რომელიც ან იქნება საერთო ან საერთოდ არ იქნება“, - თქვა მაშინ პაპმა ფრანცისკემ.

არც მაშინ და არც დღეს ფრანცისკემ პირდაპირ არ დაასახელა რუსეთი და ვლადიმერ პუტინი.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს