ამერიკის მოქალაქე,  ვილი ჯოზეფ კანსელი, რომელიც უკრაინის შეიარაღებული ძალების მხარეს იბრძოდა, უკრაინის აღმოსავლეთით დაიღუპა.

ამის შესახებ, CNN-ს მისმა ოჯახმა განუცხადა.

მისი დედის რებეკა კაბრერას თქმით, 22 წლის კანსელი, ყოფილი საზღვაო ქვეითია, ამჟამად მუშაობდა დაცვაში ტენესის გამოსასწორებელ დაწესებულებაში და გააფორმა კონტრაქტი კერძო სამხედრო კომპანიასთან, რომელმაც მოხალისეები გაგზავნა უკრაინაში საბრძოლველად.

„მას სურდა იქ წასვლა, რადგან სჯეროდა იმ საქმისა, რისთვისაც იბრძოდა უკრაინა, სურდა შეეკავებინა რუსეთის აგრესია, რათა ის ჩვენამდე არ მოსულიყო და  ჩვენს ამერიკელ ჯარისკაცებსაც არ მოუწიათ ამაში მონაწილეობა. “ თქვა კაბრერამ CNN-თან სატელეფონო ინტერვიუში.

მისი თქმით, მისი შვილი პოლონეთში 12 მარტს წავიდა და მალევე უკრაინაში აღმოჩნდა, სადაც გვერდიგვერდ იბრძოდა სხვადასხვა ქვეყნის ხალხთან. ორშაბათს მას აცნობეს მისი გარდაცვალების შესახებ .

„მას სურდა უკრაინელი ხალხის დახმარება, გულით სჯეროდა, რომ ეს სწორი იყო“, - ამბობს დედა.

კანსელმა ამერიკაში ცოლი და შვიდი თვის შვილი დატოვა.

აშშ-ს სახელმწიფო დეპარტამენტმა განაცხადა, რომ ინციდენტის შესახებ ინფორმირებულია და ყურადღებით აკვირდება სიტუაციას. სააგენტომ უარი თქვა დამატებითი კომენტარის გაკეთებაზე კონფიდენციალურობის მიზეზების გამო.

 ხუთშაბათს ცნობილი გახდა ბრიტანეთის მოქალაქის, 36 წლის სკოტ სიბლის გარდაცვალების შესახებ, რომელიც,  უკრაინაში საომარ მოქმედებებშიც მონაწილეობდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს