28 აპრილი სამუშაო ადგილებზე უსაფრთხოებისა და ჯანმრთელობის დაცვის მსოფლიო დღეა. თარიღთან დაკავშირებით, შრომის ინსპექციის სამსახურის ორგანიზებით ჩატარდა კონფერენცია სახელწოდებით - „შრომის უსაფრთხოება და უფლებები საქართველოში“. ამის შესახებ ინფორმაციას ჯანდაცვის სამინისტრო ავრცელებს.
 
 უწყების ცნობით, ღონისძიება დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა გახსნა. როგორც მინისტრმა განაცხადა 2021 წელს, წინა წლებთან შედარებით სამჯერ არის შემცირებული სამუშაო ადგილებზე, უბედური შემთხვევის შედეგად გარდაცვლილთა რაოდენობა.

კონფერენციაზე ქვეყანაში შრომის უფლებებისა და უსაფრთხოების მიმართულებით არსებული ვითარება და მიღწეული შედეგები განიხილეს. 

შრომის ინსპექციის სამსახურის ხელმძღვანელმა ბექა ფერაძემ განხორციელებული ინსპექტირებების ანალიზი და სამსახურის სამომავლო გეგმები წარადგინა. ბოლო წლების განმავლობაში მიღებული საკანონმდებლო ცვლილებების შედეგად, გაძლიერდა შრომის ინსპექციის სამსახური. გაზრდილი მანდატის ფარგლებში უწყებას მიეცა შესაძლებლობა ზედამხედველობა განახორციელოს ისეთ მნიშვნელოვან საკითხებზე, როგორიცაა დისკრიმინაცია, სექსუალური შევიწროება, იძულებითი შრომა, შრომითი ექსპლუატაცია და სხვა. 

შეხვედრას დევნილთა, შრომის, ჯანმრთელობისა და სოციალური დაცვის მინისტრის მოადგილე თამარ ბარკალაია, ევროკავშირის დელეგაციისა და შრომის საერთაშორისო ორგანიზაციის წარმომადგენლები, ასევე სხვა საერთაშორისო და სოციალური პარტნიორები ესწრებოდნენ.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს