საქართველოს გენერალურ პროკურატურაში ციფრული გამოძიების სპეციალური ლიცენზირებული პროგრამის და მასთან დაკავშირებული საჭირო ტექნიკური აღჭურვილობის გადაცემის ღონისძიება გაიმართა. ტექნიკური აღჭურვილობა ამერიკის შეერთებული შტატების საელჩომ საქართველოს გენერალურ პროკურატურას, შინაგან საქმეთა სამინისტროს და ლევან სამხარაულის სახელობის სასამართლო ექსპერტიზის ეროვნულ ბიუროს გადასცა.  

ღონისძიება საქართველოს გენერალურმა პროკურორმა ირაკლი შოთაძემ გახსნა. მან მადლობა გადაუხადა ამერიკის შეერთებული შტატების საელჩოს მხარდაჭერისთვის და აღნიშნა, რომ სპეციალური ტექნიკური აღჭურვილობა სამართალდამცავ უწყებებს დაეხმარება კიბერდანაშაულთან ბრძოლაში და მათ ეფექტიან საქმიანობას შეუწყობს ხელს.  

ირაკლი შოთაძის განცხადებით, საქართველოს გენერალურ პროკურატურაში უახლოეს მომავალში პროკურორებისგან და გამომძიებლებისგან შემდგარი სპეციალური დანაყოფი შეიქმნება, რაც კიბერდანაშაულის წინააღმდეგ ბრძოლისთვის ერთ-ერთი წინ გადადგმული ნაბიჯია.

როგორც ღონისძიებაზე ამერიკის შეერთებული შტატების საელჩოს მრჩეველმა სამართლებრივ საკითხებში ლენა ოვენსმა აღნიშნა, აშშ-ის საელჩო მოხარულია, რომ მონაწილეობა მიიღო კიბერდანაშაულთან ბრძოლის დანერგვის ნაწილში. მისივე თქმით, სპეციალური ტექნიკური აღჭურვილობა საქართველოს სამართალდამცავ უწყებებს შესაძლებლობას მისცემს, უკეთ ებრძოლონ ისეთ მასშტაბურ დანაშაულს, როგორიც კიბერდანაშაულია.

ღონისძიებაზე, ლევან სამხარაულის სახელობის სასამართლო ექსპერტიზის ეროვნული ბიუროს უფროსმა მამუკა ჯანგულაშვილმა და შინაგან საქმეთა სამინისტროს პოლიციის დეპარტამენტის დირექტორის მოადგილემ თეიმურაზ კუპატაძემ ამერიკის შეერთებული შტატების საელჩოს მადლობა გადაუხადეს დახმარებისთვის და აღნიშნეს, რომ სპეციალური ტექნიკური აღჭურვილობა სისხლის სამართლის საქმეებში საგამოძიებო თუ საპროცესო მოქმედებების ჩატარების თვალსაზრისით მნიშვნელოვან როლს შეასრულებს.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს