საქართველოს გენერალური პროკურატურისა და ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის კრიმინოლოგიის სამეცნიერო - კვლევითი ინსტიტუტის თანამშრომლობით, სამეცნიერო პრაქტიკული ელექტრონული ჟურნალი შეიქმნა.   საქართველოს გენერალური პროკურორის მოადგილე ნათია მერებაშვილი აღნიშნული  ჟურნალის სამუშაო ჯგუფის წევრებს შეხვდა. ამის შესახებ ინფრომაციას საქართველოს პროკურატურა ავრცელებს.

სამუშაო   შეხვედრაში  მონაწილეობდნენ ჟურნალის სარედაქციო კოლეგიის თავმჯდომარე მორის შალიკაშვილი, სარედაქციო კოლეგიის წევრები, პრაქტიკოსი პროკურორები და სამართლის დარგის მეცნიერები.

„სამეცნიერო-პრაქტიკული ჟურნალი შესაძლებლობას მისცემს პრაქტიკოსებსა და მკვლევარებს გაცვალონ ახალი ინფორმაცია, იდეები და მოსაზრებები საპროკურორო საქმიანობისა და დანაშაულის პრევენციის აქტუალური საკითხების შესახებ. სამეცნიერო-პრაქტიკულ ჟურნალი ხელს შეუწყობს პროკურატურასა და აკადემიურ წრეებს შორის თანამშრომლობის გაღრმავებას, ნორმების ერთგვაროვან განმარტებას და სასამართლო პრაქტიკის გამოწვევების სწორ ანალიზს. ელექტრონული ჟურნალი იქნება ერთგვარი პლათფორმა, რომელიც სამართლის თეორიისა და პრაქტიკის სინთეზს მოახდენს..

შეხვედრის მონაწილეებმა  პროექტის მნიშვნელობაზე  და ელექტრონული ჟურნალის განვითარების პერსპექტივებზე ისაუბრეს.   

ჟურნალის ელექტრონული ვერსია  წელიწადში ორჯერ გამოიცემა და მასში როგორც  პროკურორების და პროკურატურის გამომძიებლების, ასევე სამეცნიერო იურიდიული სფეროს წარმომადგენელთა სტატიები გამოქვეყნდება.

სამეცნიერო-პრაქტიკული ჟურნალი განკუთვნილია იურიდიული ფაკულტეტის სტუდენტებისთვის, პროფესორებისთვის, პრაქტიკოსი პროკურორების და გამომძიებლებისთვის, ასევე დანაშაულის პრევენციისა და სისხლის სამართლის საკითხებით დაინტერესებული სხვა პირებისთვის.“ - აღნიშნულია პროკურატურის განცხადებაში.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს