საქართველოს იუსტიციის სამინისტროს ეროვნული არქივის ყოველწლიური საერთაშორისო სამეცნიერო კონფერენცია „არქივთმცოდნეობა, წყაროთმცოდნეობა – ტენდენციები და გამოწვევები" 2022 წელს საქართველოს დიპლომატიურ სივრცეში დაბრუნების 30 წლის იუბილეს მიეძღვნება და საქართველოში აშშ-ს საელჩოს მხარდაჭერით გაიმართება.

აშშ-ს საელჩოს კულტურის ატაშე კრისტოფერ ანდერსონი ეროვნულ არქივს ეწვია და ეროვნული არქივის გენერალურ დირექტორ თეონა იაშვილთან ერთად  საქართველოსა და აშშ-ს შორის დიპლომატიური ურთიერთობების შესახებ საარქივო დოკუმენტებს გაეცნო.

ეროვნულ არქივში ინახება აშშ-სთან დიპლომატიური ურთიერთობების დასამყარებლად გადადგმული პირველი ნაბიჯების, ქართულ-ამერიკული პოლიტიკური ურთიერთობების ჩამოყალიბებისა და განვითარების, საქართველოში აშშ-ს პირველი საელჩოს გახსნის, უმაღლესი პირების ოფიციალური ვიზიტების და შეხვედრების, შეერთებული შტატებთან სავაჭრო-ეკონომიკური თანამშრომლობის ამსახველი დოკუმენტები.

ეროვნული არქივის VII საერთაშორისო სამეცნიერო კონფერენციისთვის თეზისების მიღება დაწყებულია. საიუბილეო თარიღთან დაკავშირებით ცალკე სექცია მიეძღვნება საქართველოს დიპლომატიურ სივრცეში დაბრუნების 30 წლის იუბილეს. კონფერენცია 2022 წლის 8-10 სექტემბერს გაიმართება. კონფერენციის პარალელურად, საქართველოსა და აშშ-ს შორის დიპლომატიური ურთიერთობის 30 წლის საიუბილეოდ ეროვნულ არქივში გამოფენაც გაიმართება.   

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს