აღსრულების ეროვნულმა ბიურომ გამარტივებული საქმისწარმოების ელექტრონული პორტალი app.nbe.gov.ge შექმნა. - აღნიშნულის შესახებ ინფორმაციას იუსტიციის სამინისტრო ავრცელებს.

უწყების ცნობით, პორტალზე მომხმარებლებს შეუძლიათ სახლიდან გაუსვლელად, დისტანციურად მიადევნონ თვალყური მათი საქმის მიმდინარეობას, საქმისმწარმოებლის მიერ განხორციელებულ აქტივობებსა და წარმოების ეტაპებს.

მათივე ინფორმაციით, უახლოეს პერიოდში პორტალი მეტად განვითარდება და მოქალაქეებს სერვისზე მოთხოვნის/აპლიკაციის დარეგისტრირებაც ელექტრონულად შეეძლებათ.

აღსრულების ეროვნული ბიუროს თავმჯდომარე მირიან ხარაბაძემ პორტალის პრეზენტაცია დღეს გამართა. ღონისძიებას იუსტიციის მინისტრის მოადგილე ერეკლე ღვინიანიძე და ფინანსური ინსტიტუტების, ბანკებისა და მიკროსაფინანსო ორგანიზაციების წარმომადგენლები დაესწრნენ.

მინისტრის მოადგილის განცხადებით, აღსრულების ეროვნული ბიურო საქმიანობაში ციფრული მმართველობის დანერგვის მხრივ, ერთ-ერთი მოწინავე უწყებაა, რაც თავის მხრივ სამინისტროს მიერ გაცხადებულ 10 წლიან სტრატეგიასთან არის თანხვედრაში.

ბოლო ერთი წლის განმავლობაში, ბიურომ საქმიანობაში ციფრული მმართველობის დანერგვის მიზნით, არაერთი პროექტი განახორციელა, მათ შორის, დაინერგა ციფრული არქივი, მიმდინარეობს სააღსრულებო წარმოების ე.წ. ელექტრონული თანაშემწის შექმნა. ამავდროულად, ბიურო აგრძელებს, როგორც სამართლებრივ რეფორმებს, ასევე არსებული ელექტრონული სერვისების განვითარებასა და ახალი სერვისების დანერგვას.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს