რუსეთის პრეზიდენტი ვლადიმერ პუტინი აცხადებს, რომ უკრაინასთან ომში რუსეთის მიზნები კეთილშობილურია და მთავარი მიზანი დონბასში მცხოვრები მოსახლეობის დახმარებაა.

როგორც ვლადიმერ პუტინი აღნიშნავს, უკრაინაში ანტირუსულ ძალებთან შეტაკება გარდაუვალი და უბრალოდ დროის საკითხი აღმოჩნდა.

"უკრაინამ დაიწყო ანტირუსულ დასაყრდენად გადაქცევა, სადაც ზრდა დაიწყო ნაციონალიზმისა და ნეონაციზმის ყლორტებმა, რომლებიც დიდი ხანია არსებობს. ნეონაციზმის ზრდა იყო მიზანმიმართული და რუსეთის შეტაკება ამ ძალებთან გარდაუვალი იყო, მათ მხოლოდ შეტევის დრო აირჩიეს.

მთავარი მიზანია დონბასში მცხოვრები მოსახლეობის დახმარება, დონბასელი ხალხი, რომელიც ჩვენ ვაღიარეთ, აიძულეს ამის გაკეთება იმის გამო, რომ კიევის ხელისუფლებამ, დასავლეთის მხრიდან უბიძგა, უარი თქვა მინსკის შეთანხმებების შესრულებაზე, რომელიც მიზნად ისახავდა დონბასის პრობლემების მშვიდობიან გადაწყვეტას", - განაცხადა ვლადიმერ პუტინმა. 

პუტინის მტკიცებითვე, რუსეთის შეიარაღებული ძალები "სპეციალური სამხედრო ოპერაციის მსვლელობისას" მოქმედებენ გაბედულად, კომპეტენტურად, ეფექტურად და შედეგიანად, იყენებენ ყველაზე თანამედროვე ტიპის იარაღს.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით