2022-04-07 22:37:24, 1014 ნახვა
მსოფლიო
ბორის ჯონსონი - ბრიტანეთი არ უნდა იყოს დამოკიდებული რუსულ გაზზე და აშენებს ატომურ რეაქტორებს
ბრიტანეთის პრემიერ-მინისტრმა ბორის ჯონსონმა განაცხადა, რომ გაერთიანებული სამეფოს მთავრობა გეგმავს რვა ახალი ბირთვული რეაქტორის აშენებას მომდევნო რვა წლის განმავლობაში.
ეს ნაბიჯი დიდ ბრიტანეთს დაეხმარება რუსულ ენერგომატარებლებზე დამოკიდებულებისგან თავის დაღწევაში, განაცხადა მან.
„ჩვენ ვასწორებთ წარსულის ზოგიერთ შეცდომებს“, - თქვა მან, „ჩვენ აღარ შეგვიძლია დავუშვათ ჩვენი ქვეყანა დამოკიდებული იყოს რუსულ ნავთობსა და გაზზე“.
უკრაინაში რუსეთის შემოჭრის დაწყების შემდეგ, ბრიტანეთმა ერთ-ერთმა პირველმა გამოაცხადა რუსეთის წინააღმდეგ მკაცრი ზომები და უკრაინას ყველა შესაძლო დახმარება გაუწია. ერთ-ერთი ნაბიჯი იყო 2022 წლის ბოლომდე რუსული ნახშირწყალბადების იმპორტის შეწყვეტის შესახებ განცხადება.
ავტორი: ექსპრესნიუსი,
epn.ge (@expressnews.ge)
