2022-03-10 00:02:38, 894 ნახვა

---

უკრაინელმა სამხედროებმა ხარკოვის ქალაქ დერგაჩიდან რუსი ოკუპანტები განდევნეს და ტერიტორიაზე კონტროლი მთლიანად დაიბრუნეს

უკრაინის შეიარაღებულმა ძალებმა ხარკოვის ქალაქ დერგაჩიდან რუსი ოკუპანტები განდევნეს და ტერიტორიაზე კონტროლი სრულად აიღეს. ამის შესახებ ხარკოვის რეგიონალური სამხედრო ადმინისტრაციის თავმჯდომარემ, ოლეგ სინეგუბოვმა განაცხადა.

„უკრაინის შეიარაღებულმა ძალებმა რუსი ოკუპანტები დერგაჩიდან განდევნეს და ტერიტორიას მთლიანად აკონტროლებენ. აქ დიდი ხანია მიმდინარეობს აქტიური ბრძოლები. რუსი ოკუპანტები ქალაქის ალყაში მოქცევას ცდილობდნენ, მაგრამ ჩვენმა სამხედროებმა მტერი მოიგერიეს და კონტრშეტევა დაიწყეს“, - აღნიშნა ოლეგ სინეგუბოვმა.

მისივე თქმით, მტრის ტექნიკის დანაკარგებს შორის 2 ტანკი და 2 ჯავშანმანქანაა.

უკრაინის სამხედროებს დანაკარგი არ განუცდია.

„ჩვენ საკუთარ მიწაზე ვართ და ყოველ სანტიმეტრს დავიცავთ! დიდება უკრაინის შეიარაღებულ ძალებს“, - დასძინა UVA-ს თავმჯდომარემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი