სასაზღვრო სამსახური - რუსეთის საოკუპაციო ძალები უკრაინას ბელარუსის საზღვრიდანაც დაესხნენ თავს

2022-02-24 09:46:10, 628 ნახვა

მსოფლიო

24 თებერვალს, დილით, უკრაინელ მესაზღვრეებს ბელორუსის ტერიტორიიდან ცეცხლი გაუხსნეს. მტერმა გამოიყენა არტილერია, მძიმე ტექნიკა და მცირე იარაღი.

ამის შესახებ RBC-Ukraine უკრაინის სახელმწიფო საზღვრის დაცვის სამსახურზე (GPSU) მითითებით იტყობინება.

როგორც სახელმწიფო საზღვრის დაცვის სამსახურში აღნიშნეს, დაახლოებით 05:00 საათზე უკრაინის სახელმწიფო საზღვარს რუსული ჯარები დაესხნენ თავს. ამავდროულად, მათ მხარს უჭერს ბელორუსი. ასევე დაფიქსირდა მტრის დივერსიული და სადაზვერვო ჯგუფების მუშაობა.

სასაზღვრო ქვედანაყოფებსა და საგუშაგოებზე თავდასხმები არტილერიის, მძიმე ტექნიკისა და ცეცხლსასროლი იარაღის გამოყენებით ხორციელდება. დაბომბვა დაფიქსირდა ლუგანსკის, სუმის, ხარკოვის, ჩერნიგოვისა და ჟიტომირის რაიონებში, ასევე დროებით ოკუპირებული ყირიმის ტერიტორიიდან.

მესაზღვრეებს შორის დანაკარგებისა და დაშავებულების შესახებ ინფორმაცია ზუსტდება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,