გურჯაანის რაიონული სასამართლო  სასამართლო შენობაში მომხდარ ინციდენტს ეხმაურება.

მათი ინფორმაციით, პატიმარი პროცესის დასრულების შემდეგ, არა სასამართლო დარბაზიდან, არამედ პატიმართა დროებითი მოთავსების  საკნიდან გაიქცა. 

"2015 წლის 2თებერვალს, გურჯაანის რაიონულ სასამართლოში მოსამართლე მიტო ხინაშვილი განიხილავდა ბრალდებულ დიმიტრი ხაჩიაშვილის მიმართ აღკვეთი ღონისძიების შეფარდების  საკითხს. სასამართლოს გადაწყვეტილებით, დიმიტრი ხაჩიაშვილს  შეეფარდა პატიმრობა.

პროცესის დასრულების შემდეგ, პოლიციის მიერ პატიმარი ჩაყვანილ იქნა სასამართლო შენობაში პატიმართა დროებითი მოთავსების საკანში. კანონის შესაბამისად,  ის იმყოფებოდა პოლიციის ზედამხედველობის ქვეშ. სწორედ ამ საკნიდან მოახერხა პატიმარმა  დიმიტრი ხაჩიაშვილმა  გაქცევა.

სასამართლო მოუწოდებს ყველას, რომ დაუზუსტებული და გადაუმოწმებელი ინფორმაციის გავრცელებისაგან თავი შეიკავონ, რათა არ მოხდეს საზოგადოებისთვის მცდარი ინფორმაციის მიწოდება და  სასამართლოს  დისკრედიტაცია",-ნათქვამია სასამართლოს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა