2015-02-03 11:11:55, 1085 ნახვა
პოლიტიკა
საგარეო უწყება: ალექსანდრ ლუკაშენკოს ვიზიტზე მუშაობა მიმდინარეობს
„ბელარუსის პრეზიდენტის ალექსანდრ ლუკაშენკოს საქართველოში ჩამოსვლასთან დაკავშირებით მუშაობა მიმდინარეობს“, - ამის შესახებ „ ექსპრესნიუსს“ საქართველოს საგარეო საქმეთა სამინისტროს პრესსამსახურში განუცხადეს.
მათივე ინფორმაციით, ლუკაშენკოს ვიზიტთან დაკავშირებით, კონკრეტული თარიღი ცნობილი არ არის, თუმცა მისი ვიზიტი გაზაფხულზე იგეგმება.
„ჩვენ ვადასტურებთ იმას, რომ ბელარუსის პრეზიდენტის ვიზიტზე მუშაობა მიმდინარეობს. კონკრეტული თარიღი ჯერჯერობით ცნობილი არ არის, იმიტომ რომ ამ თემაზე მუშაობა მიმდინარეობს. მისი ვიზიტი გაზაფხულზე იგეგმება“,- განაცხადეს საგარეო უწყების პრესსამსახურში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
