საქართველოს კათოლიკოს-პატრიარქის მდივანი, მამა მიქაელ ბოტკოველი საქართველოს მესამე პრეზიდენტთან, მიხეილ სააკაშვილთან სასჯელაღსრულების დაწესებულებაში მივიდა.

დეკანოზმა პენიტენციური დაწესებულების დატოვების შემდეგ ჟურნალისტებთან განაცხადა, რომ მიხეილ  სააკაშვილს გადაწყვეტილება მიღებული აქვს და შიმშილობის შეწყვეტას არ  აპირებს.

"მთხოვა პატრიარქს გადავცე, რომ მას პატივს სცემს და მოვიკითხო დიდი პატივისცემით. რაც შეეხება შიმშილობას, მან თქვა, რომ ეს გადაწყვეტილება მიღებული აქვს, ის ამ გადაწყვეტილების შეცვლას არ აპირებს.  მისთვის სისუტე არ შემიმჩნევია, სულ რამდენიმე წუთი ვისაუბრეთ და დავემშვიდობეთ ერთმანეთს“, - განაცხადა ბოტკოველმა.

ცნობისთვის, დეკანოზმა მიქაელ ბოტკოველმა  მიხეილ სააკაშვილს  უწმინდესის დალოცვა და მოკითხვა გადასცა. ამასთანავე, როგორც ყველა მსგავსი შემთხვევისას, ამჯერადაც ეკლესიის სახელით სთხოვა, შეეწყვიტა შიმშილობა, რადგან ეს არის არაქრისტიანული ქმედება.

ავტორი: ექსპრესნიუსი,

სოციალური ქსელები

საქართველოს ბანკს Student და sCool Card-ის მფლობელებისთვის სპეციალური შეთავაზება აქვს

ნაურუს მთავრობა აფხაზეთისა და ე.წ. სამხრეთ ოსეთის აღიარების გაუქმებაზე განცხადებას ავრცელებს

ქობულეთში, ზღვაში კაცი დაიხრჩო

პოლონეთი აცხადებს, რომ მათ ტერიტორიაზე ჩამოვარდნილი რაკეტა, სავარაუდოდც რუსული Kh-101-ია