აჭარის მთავრობის თავმჯდომარე თორნიკე რიჟვაძე აჭარის განათლების და მეცნიერების მინისტრ მაია ხაჯიშვილთან ერთად ხელვაჩაურში სოფელ ფერიის 430 მოსწავლეზე გათვლილი ახლადაშენებული საჯარო სკოლა დაათვალიერა. - ამის შესახებ ინფორმაციას აჭარის მთავრობის პრესსამსახური ავრცელებს.

მათივე ცნობით, აჭარის მთავრობის დაფინანსებით ხელვაჩაურის მუნიციპალიტეტში ფერიის ახალი საჯარო სკოლის მშენებლობა მიმდინარე სასწავლო წლისთვის დასრულდა. მშენებლობის ღირებულებამ 3, 4 მლნ  ლარი შეადგინა. თანამედროვე სტანდარტების შესაბამისად აშენებულ 4 სართულიან სკოლაში ლაბორატორიები, თანამედროვე საბიბლიოთეკო სივრცე, სპორტული და სააქტო დარბაზები განთავსდა. მოეწყო სკოლის ეზო, ინფრასტრუქტურა სრულადაა ადაპტირებული შეზღუდული შესაძლებლობის მქონე პირებისთვის.
 
აჭარის განათლების, კულტურისა და სპორტის სამინისტრო, აჭარის მთავრობის გაზრდილი ბიუჯეტის ფარგლებში, 2021 წელს აჭარაში ახორციელებს 18 საჯარო სკოლისა და სპორტული დარბაზის მშენებლობას, რომელთაგან მიმდინარე წელს 10 სკოლის მშენებლობა დასრულდება. აჭარაში, ასევე, მიმდინარეობს 40 სკოლის რეაბილიტაციის სამუშაოები.

ავტორი: NS (სტატია დაფინანსებულია),

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა