ავტობუსებში ვაქცინაციის სივრცის მოწყობა ძალიან მნიშვნელოვანი პროექტია, პირველ ეტაპზე გამოყოფილია სამი ავტობუსი და შემდეგ გაიზრდება ათამდე, – ამის შესახებ თბილისის მერმა კახა კალაძემ განაცხადა.

მისივე თქმით, ჯანდაცვის სამინისტროს ახალი პროექტი, რომელიც ავტობუსებში ვაქცინაციის ცენტრების განთავსებას გულისხმობს, მნიშვნელოვანია.

„ავტობუსებში ვაქცინაციის სივრცის მოწყობა ძალიან მნიშვნელოვანი პროექტია, მინდა, ჯანდაცვის სამინისტროს, მინისტრ ეკატერინე ტიკარაძეს მადლობა გადავუხადო ამ მნიშვნელოვანი წამოწყებისთვის. დღეს ყველაზე მთავარი რაც არის ამ ომში, არის ვაქცინაცია და ყველაფერი უნდა გავაკეთოთ, რათა ადამიანებს მივცეთ შესაძლებლობა, რაც შეიძლება მეტი ადამიანი აიცრას, რომ დავიცვათ ერთმანეთის ჯანმრთელობის უსაფრთხოება და სიცოცხლე, რაც ყველაზე მთავარი და მნიშვნელოვანია. ჩვენ, ინფრასტრუქტურული თვალსაზრისით, ყველანაირად ხელს შევუწყობთ ამ პროცესს.

პირველ ეტაპზე გამოყოფილია სამი ავტობუსი და მთლიანობაში ათამდე გაიზრდება, რომ თითოეულ რაიონში ერთი ავტობუსი გადააადგილდებოდეს და იქ მცხოვრებ ადამიანებს ჰქონდეთ შესაძლებლობა, თავისი რაიონიდან გასვლის გარეშე მოახერხონ აცრის გაკეთება. ავტობუსები მაქსიმალურად კომფორტულია. კონდიცირება, სამეთვალყურეო უსაფრთხოების კამერები, ყველანაირად არის კეთილმოწყობილი, ადაპტირებული, თვითონ ავტობუსის შიგნით სამედიცინო კუთხის თვალსაზრისით, ყველაფერი მოწყობილია და ჩემი თხოვნა და თუნდაც მოწოდება იქნებოდა ის, რომ რაც შეიძლება ბევრი ადამიანი აიცრას, რათა დავიცვათ ერთმანეთის ჯანმრთელობის უსაფრთხოება და ერთმანეთის სიცოცხლე“, – განაცხადა კახა კალაძემ.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ