2021-07-10 17:07:03, 1161 ნახვა

---

მეუფე გრიგოლი 5-6 ივლისის მოვლენებზე - ნებისმიერ შემთხვევაზე უნდა ვისაუბროთ არა კონტექსტიდან ამოგლეჯილად, არამედ მთლიანად

„ნებისმიერ შემთხვევაზე უნდა ვისაუბროთ არა კონტექსტიდან ამოგლეჯილად, არამედ მთლიანად - რა მოხდა“, - ამის შესახებ ფოთისა და ხობის მიტროპოლიტმა, მეუფე გრიგოლმა „თბილისი პრაიდთან“ დაკავშირებით განვითარებული მოვლენების შეფასებისას ჟურნალისტებს განუცხადა.

მან ასევე აღნიშნა, რომ საპატრიარქოს აქვს შესაბამისი კომისია, რომელიც იმსჯელებს საკითხებზე, რაც ამ დღეებში გამოჩნდა ძალიან ცუდად.

„ნებისმიერ შემთხვევაზე უნდა ვისაუბროთ არა კონტექსტიდან ამოგლეჯილად, არამედ მთლიანად - რა მოხდა.

ადამიანი განსაკუთრებით სიფრთხილით ეკიდება იმ წყალობას, რასაც ჰქვია ოჯახი, სახარებისმიერი სიწმინდე. ეს კარგია, მაგრამ კარგი იქნება, რომ ჩვენ არა ამოგლეჯილად სხვადასხვა ცოდვა დავგმოთ, არამედ ზოგადად, ცოდვა დავგმოთ.

საპატრიარქოს აქვს შესაბამისი კომისია და ალბათ იმსჯელებს იმ საკითხებზე, რაც ამ დღეებში გამოჩნდა ძალიან ცუდად“, -  განაცხადა მეუფე გრიგოლმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი