„1-ლი ივლისიდან ქუთაისის საერთაშორისო აეროპორტში ბრუნდება ავიაკომპანია „ვიზეარის" პირველი ბაზა, რაც ნიშნავს იმას, რომ პირველ რიგში, ეს ხელს შეუწყობს ევროკავშირის ქვეყნებთან პირდაპირი საჰაერო მიმოსვლის ზრდას მეტი სიხშირითა და მიმართულებით. დღეს ქუთაისის საერთაშორისო აეროპორტში „ვიზეარი" 8 მიმართულებით ოპერირებს. მას შემდეგ, რაც ქუთაისის აეროპორტში ავიაკომპანიის ბაზა განთავსდება, „ვიზეარი" ფრენებს 14 მიმართულებით განახორციელებს," - განაცხადა ეკონომიკისა და მდგრადი განვითარების მინისტრის მოადგილე მარიამ ქვრივიშვილმა.

მინისტრის მოადგილის განცხადებით, ქუთაისის აეროპორტში უნგრული ავიაკომპანიის ბაზის განთავსება მნიშვნელოვანია არა მხოლოდ ავიაციის, არამედ ტურისტული ნაკადების მოზიდვის კუთხით.

„ყველაზე მნიშვნელოვანია, აეროპორტში ბაზის არსებობა ხელს შეუწყობს ახალი სამუშაო ადგილების შექმნას. იმერეთის რეგიონში აეროპორტი დასაქმებისთვის საინტერესო ადგილია, ხოლო „ვიზეარი" კი ერთ-ერთი მნიშვნელოვანი დამსაქმებელი," - განაცხადა მარიამ ქვრივიშვილმა.  

ავტორი: NS (სტატია დაფინანსებულია),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს