2021-06-21 10:17:27, 1351 ნახვა
მსოფლიო
სომხეთის ცესკო-მ ხმების დათვლის პროცედურა დაასრულა, ნიკოლ ფაშინიანის პარტია 53.92%-ით ლიდერობს
სომხეთში ვადამდელი საპარლამენტო არჩევნებზე ხმების დათვლის პროცესი დასრულებულია.
ადგილობრივი მედია სომხეთის ცენტრალურ საარჩევო კომისიაზე დაყრდნობით იუწყება, რომ ნიკოლ ფაშინიანის პარტია, „სამოქალაქო შეთანხმება“ 53.92%-ით ლიდერობს.
ამასთანავე, ოფიციალური მონაცემებით, მეორე ადგილზეა ქვეყნის ყოფილი პრეზიდენტის, რობერტ ქოჩარიან საარჩევნო ბლოკი „სომხეთი“, რომელმაც 21.04% მოაგროვა. მესამე ადგილს იკავებს საარჩევნო ბლოკი „მაქვს პატივი“, რომელმაც, წინასწარი მონაცემებით, ხმების 5.23% მოიპოვა. გაგიკ ცარუკიანის ბლოკმა, „აყვავებული სომხეთი“ კი ამომრჩეველთა ხმების 4.1% მიიღო.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
