ჯანდაცვის მსოფლიო ორგანიზაცია ქვეყნებს მოუწოდებს, „ასტრაზენეკას“ ვაქცინით მოსახლეობის აცრა არ შეაჩერონ.

ამის შესახებ ინფორმაციას BBC ავრცელებს.

გამოცემის ცნობით, ორგანიზაციაში აცხადებენ, რომ ვაქცინასა და სისხლში თრომბის წარმოქმნას შორის კავშირის დამადასტურებელი მტკიცებულება არ არსებობს.

ჯანდაცვის მსოფლიო ორგანიზაციის პრესსპიკერის, კრისტიან ლინდმაიერის განცხადებით, ორგანიზაცია განაგრძობს მოკვლევას და ფაქტების სრულყოფილად გაცნობის შემდეგ  ინფორმაციას მაშინვე გაასაჯაროებს.

ჯანმოს ვაქცინების უსაფრთხოების ექსპერტები ვაქცინასთან დაკავშირებით დღეს იმსჯელებენ. ამასთან, დღესვე შეხვედრა გაიმართება ევროპის მედიკამენტების სააგენტოშიც, დასკვნას კი ორგანიზაცია ხუთშაბათს წარადგენს.

შეგახსენებთ, რომ „ასტრაზენეკას“ ვაქცინის გამოყენება ევროპის რამდენიმე ქვეყანამ იმის გამო შეაჩერა, რომ რამდენიმე ვაქცინირებულ პაციენტს თრომბი განუვითარდა. ამ დროისთვის  ოფიციალურად არ დასტურდება, რომ ფატალური შემთხვევები ვაქცინით იყო გამოწვეული.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის