ბრაზილიის პრეზიდენტი ჟაირ ბოლსონარუ მოქალაქეებს მოუწოდებს, რომ СOVID-19-თან დაკავშირებით წუწუნი შეწყვიტონ.

„ბიბისის“ ცნობით, აღნიშნულის შესახებ ბრაზილიის პრეზიდენტმა მას შემდეგ განაცხადა, რაც ქვეყანაში, ბოლო 24 საათის განმავლობაში, კორონავირუსით გარდაცვლილთა რეკორდული რაოდენობა დაფიქსირდა.

„შეწყვიტეთ წუწუნი. როდემდე აპირებთ ამაზე ტირილს? კიდევ რამდენ ხანს დარჩებით სახლში და ყველაფერს დახურავთ? ამას ვეღარავინ გაუძლებს. ვწუხვართ გარდაცვლილების გამო, მაგრამ გამოსავალი გვჭირდება“, - აღნიშნა ბოლსონარუმ.

ცნობისთვის, ბრაზილიაში ოთხშაბათს კორონავირუსით გარდაცვალების რეკორდული, 1 910 შემთხვევა დაფიქსირდა. გასული დღე-ღამის განმავლობაში კი გარდაცვალების მაჩვენებელმა 1 699 შეადგინა.

შემთხვევების ასეთ მატებას კორონავირუსის ახალი ვარიანტის გავრცელებას უკავშირებენ, რომელიც ბრაზილიის ქალაქ მანაუსში წარმოიშვა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის