აჭარის მთავრობის თავმჯდომარემ სამინისტროებში სამუშაო შეხვედრები გამართა. ფინანსთა და ეკონომიკის სამინისტროში შეხვედრისას, საუბარი შეეხო ისეთ მთავარ საკითხებს, როგორიცაა ეკონომიკის სწრაფი აღდგენა და საპრივატიზაციო პოლიტიკის გააქტიურება.

თორნიკე რიჟვაძის თქმით, საჭიროა უფრო გაბედული და ეფექტიანი ნაბიჯები ეკონომიკის აღდგენისთვის.

,,მნიშვნელოვანია სწორად დაგეგმილი საპრივატიზებო პოლიტიკის ეფექტურობა, მომიჯნავე დარგების გაძლიერება, საგზაო ინფრასტრუქტურის მოწესრიგება. კერძო სექტორთან ერთად უნდა შევძლოთ ეკონომიკის აღდგენა.  აჭარას და ბათუმს აქვს დიდი პოტენციალი, რომ მაქსიმალურად მალე შევძლოთ აღვადგინოთ ეკონომიკა" - აღნიშნა თორნიკე რიჟვაძემ.

თორნიკე რიჟვაძემ სოფლის მეურნეობის სამინისტროს წარმომადგენლებს მადლობა გადაუხადა პანდემიის მიუხედავად ნარინჯისფერი რთველის წარმატებით ჩატარებისთვის. მისი განცხადებით, უნდა გაძლიერდეს უფასო ხვნა-თესვის პროგრამა და თითოეულმა ფერმერმა უნდა შეძლოს ამ პროგრამით სარგებლობა.

ჯანმრთელობისა და სოციალური დაცვის სამინისტროში სტუმრობისას თორნიკე რიჟვაძემ პანდემიის  მართვის, სოციალური პროექტების საკითხებზე ისაუბრა. მისი თქმით, სისტემამ შეძლო დიდ დატვირთვას გამკლავებოდა. თორნიკე რიჟვაძემ ჯანდაცვის სამინისტროს წარმომადგენლებს  გაწეული საქმიანობისთვის მადლობა გადაუხადა.

აჭარის განათლების, კულტურისა და სპორტის სამინისტროში სტუმრობისას, საუბარი შეეხო საკლასო ოთახებში სწავლის განახლების და სასწავლო პროცესში რეგულაციების დაცვის საკითხებს. თორნიკე რიჟვაძის თქმით, კულტურა და სპორტიც აღდგება თანმიმდევრულად და ექნებათ მაქსიმალური მხარდაჭერა.

ავტორი: NS (სტატია დაფინანსებულია),

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა