იუსტიციის სამინისტროსა და  კულტურისა და ძეგლთა დაცვის სამინისტროს სსიპ „კლასიკური მუსიკის დაცვის, განვითარებისა და პოპულარიზაციის ცენტრს“ შორის თანამშრომლობის მემორანდუმი გაფორმდა.

ხელმოწერის ცერემონია იუსტიციის სამინისტროს დანაშაულის პრევენციის ცენტრის ბაზაზე 2014 წელს შექმნილ მედიაციის სახლში გაიმართა. დოკუმენტს ხელი მოაწერეს იუსტიციის მინისტრმა თეა წულუკიანმა და კლასიკური მუსიკის დაცვის, განვითარებისა და პოპულარიზაციის ცენტრის გენერალურმა მენეჯერმა ვასილ ჯორჯიკიამ.

მემორანდუმის ფარგლებში იუსტიციის სამინისტრო და კლასიკური მუსიკის დაცვის, განვითარებისა და პოპულარიზაციის ცენტრი არასრულწლოვანთა დანაშაულის პრევენციის მიზნით მჭიდროდ ითანამშრომლებენ. მედიაციის სახლის ბენეფიციარი არასრულწლოვნები დაესწრებიან მუსიკალურ ლექცია-კონცერტებს, სიმფონიური ორკესტრის რეპეტიციებს; მოისმენენ  მუსიკის ისტორიას; დააკვირდებიან შემოქმედებით პროცესს. მოზარდები წარმატებულ მუსიკოსებსაც გაიცნობენ და უშუალოდ მათგან გაიგებენ, როგორია გზა წარმატებისაკენ, რა სირთულეების გადალახვა უწევდათ პოპულარულ ადამიანებს ახალგაზრდულ ასაკში. აქცენტი გაკეთდება არასრულწლოვან გოგონებსა და ქუჩაში მცხოვრებ ან ქუჩაში მომუშავე ბავშვებზე. 

ინტერესისა და მუსიკალური ნიჭის გამოვლენის შემთხვევაში  კლასიკური მუსიკის დაცვის, განვითარებისა და პოპულარიზაციის  ცენტრი ხელს შეუწყობს ბენეფიციარის შემდგომ მუსიკალურ განათლებას. დანაშაულის პრევენციის ცენტრის ბენეფიციართათვის თელავში მუსიკის საერთაშორისო ფესტივალის მონაწილეებთან შეხვედრაც იგეგმება.

პროგრამა დანაშაულის პრევენციის ცენტრის „ახალგაზრდული კლუბის“ ბავშვებისთვისაა განკუთვნილი. „ახალგაზრდული კლუბი“ საქართველოს იუსტიციის სამინისტროს კიდევ ერთი პროგრამაა, რომელიც არასრულწლოვანთა დანაშაულის პრევენციაზე მუშაობს. კლუბი მედიაციის ცენტრში ფუნქციონირებს და ახალგაზრდებს თავისუფალი დროის ნაყოფიერად და საინტერესოდ გატარების შესაძლებლობას აძლევს. განსაკუთრებული ყურადღება  განათლების სისტემის მიღმა დარჩენილ არასრულწლოვნებს, ყოფილ პატიმრებსა და პატიმართა ოჯახის წევრებს, ზრუნვის სისტემიდან გასულ პირებს, 14 წლამდე მოზარდებს ეთმობა. აღსანიშნავია, რომ ბოლო თვეების განმავლობაში ამ პროგრამაში ქუჩაში მომუშავე ოცამდე ბავშვი, მათ შორის, გოგონები, ჩაერთო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა