დავით აღმაშენებლის სახელობის საქართველოს ეროვნულ თავდაცვის აკადემიას საქართველოს თავდაცვის მინისტრის მოადგილე ანა დოლიძე ესტუმრა.

თავდაცვის სამინისტროს ინფორმაციით, ანა დოლიძემ კაპიტნის საკარიერო სკოლის ინსტრუქტორებსა და მსმენელებს ლექცია წაუკითხა, რომლის თემატიკა საერთაშორისო სამართლის მიხედვით, აფხაზეთისა და სამაჩაბლოს არაღიარება იყო.

შეხვედრა „სპიკერების პროგრამის“ ფარგლებში განხორციელდა. ანა დოლიძემ სამხედრო მოსამსახურეებს ის პრეცედენტები გააცნო, რომლის დროსაც საერთაშორისო თანამეგობრობამ თვითგამოცხადებულირესპუბლიკების დამოუკიდებლობა არ აღიარა. ლექცია აკადემიაში ინტელექტუალური მსჯელობის განვითარებას ემსახურებოდა.

თავდაცვის მინისტრის მოადგილის განცხადებით, აუცილებელია, თავდაცვის აკადემიის უმაღლეს სამხედრო საგანმანათლებლო დაწესებულებად გადაქცევა.

„თავდაცვის აკადემიაში „სპიკერების პროგრამა“ გააქტიურდა. მე ამ პროგრამის ნაწილის სახით, აფხაზეთისა და სამაჩაბლოს არაღიარებასთან დაკავშირებით ლექცია წარვადგინე. ეს არის მხოლო და მხოლოდ დასაწყისი. ჩვენ გვეყოლება ძალიან ბევრი სპიკერი. ამ ყველაფრის მიზანია შემოვიტანოთ სხვადასხვა თემატიკა და თავდაცვის აკადემიაში იყოს უფრო მეტი ინტელექტუალური მსჯელობა, რატა გადავაქციოთ იგი უმაღლეს სამხედრო საგანმანათლებლო დაწესებულებად. თავად დისკუსია ძალიან საინტერესოდ წარიმართა. საქართველოს საგარეო და თავდაცვით პოლიტიკასთან დაკავშირებით ბევრი კითხვა დაისვა და რა თქმა უნდა, ეს ყველაფერი ხელს უწყობს, ჩვენი კრიტიკული აზროვნების გაუმჯობესებას, რაც განათლების ამოსავალი წერტილია“, - განაცხადა დოლიძემ.

ლექცია ორ ნაწილად წარიმართა. პირველ ნაწილი მინისტრის მოადგილის პრეზენტაციას დაეთმო, რის შემდეგაც ანა დოლიძესა და კაპიტნის საკარიერო სკოლის ინსტრუქტორებსა და მსმენელებს შორის შეხვედრა კითხვა-პასუხის რეჟიმში გაგრძელდა. სამხედრო მოსამსახურეები, განსაკუთრებით, ქვეყნის თავდაცვისა და საგარეო პოლიტიკით დაინტერესდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს