ევროსაბჭოს საპარლამენტო ასამბლეის პლენარულ სესიაზე განხილვის ერთ-ერთი საკითხი საქართველოს საპარლამენტო არჩევნები იქნება

2021-01-25 09:42:17, 579 ნახვა

მსოფლიო

საქართველოს დელეგაცია ევროსაბჭოს საპარლამენტო ასამბლეის ზამთრის პლენარულ სესიაში მონაწილეობას მიიღებს. დელეგაცია უკვე სტრასბურგში იმყოფება.

სესია დღეს გაიხსნება. ევროსაბჭოს საპარლამენტო ასამბლეის ზამთრის პლენარულ სესიაზე განხილვის ერთ-ერთი საგანი საქართველოს საპარლამენტო არჩევნები იქნება.

სესიის პირველ დღეს განხილვის რუსი ოპოზიციონერის, ალექსეი ნავალნის დაკავებაზე ისაუბრებენ, საუბრის თემა იქნება ბელარუსში არსებული ვითარებაც, ყარაბაღის ომის შემდეგ შექმნილი სიტუაცია, დროებით ოკუპირებულ ყირიმში ადამიანის უფლებების მხრივ არსებულ მდგომარეობაზე და უკრაინაში ეთნიკური უმცირესობების ენების საკითხი.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან