2021-01-18 21:15:09, 596 ნახვა
მსოფლიო
აშშ-ის კაპიტოლიუმის შენობაში საგანგებო მდგომარეობა გამოცხადდა
ამერიკის შეერთებული შტატების კაპიტოლიუმის შენობაში საგანგებო მდგომარეობა გამოცხადდა.
BBC-ის ინფორმაციით, კაპიტოლიუმის კომპლექსი მას შემდეგ ჩაიკეტა, რაც შენობის სიახლოვეს კვამლი შენიშნეს.
ამჟამად, კაპიტოლიუმის შენობაში შესვლა ან მისი დატოვება შეუძელებელია. უსაფრთხოების სამსახური მოქალაქეებს მოუწოდებს, თავი შეიკავონ შენობასთან ახლოს მისვლისგან.
როგორც BBC იუწყება, ამ დროისთვის ხანძარი ჩამქრალია და საზოგადოებისთვის საფრთხეს აღარ წარმოადგენს.
შეგახსენებთ, რომ კაპიტოლიუმის შენობაში აშშ-ის ახლადარჩეული პრეზიდენტის, ჯო ბაიდენის ინაუგურაციის რეპეტიცია მიმდინარეობდა, რომელიც 20 იანვარს უნდა გაიმართოს.
ავტორი: ექსპრესნიუსი,
epn.ge (@expressnews.ge)
