„ჩვენი მთავრობის ეკონომიკური პოლიტიკის ქვაკუთხედს მაკროეკონომიკური სტაბილურობა, საგარეო მოწყვლადობის შემცირება, ეკონომიკის სტრუქტურის გაუმჯობესება, კერძო სექტორის კონკურენტუნარიანობის და  ეკონომიკურ შესაძლებლობებზე ინკლუზიური ხელმისაწვდომობა წარმოადგენს, - ამის შესახებ ეკონომიკისა და მდგრადი განვითარების მინისტრობის კანდიდატმა ნათია თურნავამ პარლამენტში საკომიტეტო მოსმენაზე სიტყვით გამოსვლისას განაცხადა.

მისი თქმით, საერთაშორისო სავალუტო ფონდთან არსებული პროგრამის გაფართოებაც, რაც ძალიან სწრაფად მოხდა და გადაწყდა, ჩვენი ქვეყნის ეკონომიკური პოლიტიკის სანდოობაზე მეტყველებს.

„ამასთან, აღსანიშნავია, რომ საერთაშორისო სავალუტო ფონდის პროგნოზით, საქართველო დარჩება რეგიონში ეკონომიკური ზრდის და აღდგენის ლიდერად და ამის ერთ-ერთი მთავარი ქვაკუთხედი არის სტრუქტურული რეფორმების გაგრძელება. პანდემიის მიუხედევად, 2020 წელს, სირთულეების მიუხედავად, არ შეგვიფერხებია სტრუქტურული რეფორმები, განსაკუთრებით ის რეფორმები, რომელიც დაკავშირებულია ჩვენს წევრობასთან და ვალდებულებებთან ასოცირების ხელშეკრულების ფარგლებში ევროკავშირთან", - აღნიშნა ნათია თურნავამ.

მინისტრობის კანდიდატის განცხადებით,   რეფორმების დღის წესრიგი გულისხმობს წარმატებული და თანმიმდევრული სტრუქტურული/სისტემური რეფორმების განხორციელებას, რომლებიც ორიენტირებულია ეკონომიკის სტრუქტურულ გაუმჯობესებაზე, პროდუქტიულობისა და დანაზოგების ზრდაზე, ეკონომიკური მდგრადობის უზრუნველყოფაზე, ადამიანური კაპიტალის განვითარებასა და კავშირების გაძლიერებაზე.

„სტრუქტურული რეფორმები და მიმდინარე ეკონომიკური პოლიტიკა არ არის ორიენტირებული მხოლოდ პანდემიის შემდგომ ეკონომიკის სწრაფ გაჯანსაღებაზე, არამედ ხელს უწყობს პოტენციური ზრდის ამაღლებას საშუალოვადიან პერსპექტივაში და კერძო სექტორის კონკურენტუნარიანობის ამაღლებას", - განაცხადა ნათია თურნავამ.

ავტორი: NS (სტატია დაფინანსებულია),

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი