2020-10-31 16:59:59, 677 ნახვა
სამართალი
ვაჟა სირაძის ინფორმაციით, გლდანში დაპირისპირებისას 5 პირი დააკავეს
„დავაკავეთ ხუთი პირი, მიმდინარეობს ყველა ფაქტის მოკვლევა“ , - ამის შესახებ საპატრულო პოლიციის უფროსმა ვაჟა სირაძემ გლდანში მისვლისას განაცხდა.
მან ასევე აღნიშნა, რომ ხუთივე პირი ადმინისტრაციული წესით დააკავეს.
„ადგილზე მოხდა ინციდენტი, მხარეებს შორის იყო დაპირისპირება, გავერკვევით სიტუაციაში.
ამ დროისთვის დაკავებულია ხუთი პიროვნება, ეს პირები ადმინისტრაციული წესით დააკავეს, პოლიციისთვის შეწინააღმდეგებისთვსი და ხულიგნობის ფაქტზე.
დაიწყება მოკვლევა და ავღძრავთ საქმეს.
უბანზე იარაღით ყოფნის ფაქტს ვერ დაგიდასტურებთ, ამ ფაქტზეც მიდის მოკვლევა და თუ ეს დადასტურდა, იქნება სათანადო რეაგირება“ , - განაცხადა ვაჟა სირაძემ.
ავტორი: ექსპრესნიუსი,
epn.ge (@expressnews.ge)
