პოლონეთის ქალაქ პოზნანში საკვები და სასმელი პროდუქტების საერთაშორისო გამოფენა გაიხსნა.

მასში საქართველოს ეკონომიკისა და მდგრადი განვითარების სამინისტროს სსიპ „მეწარმეობის განვითარების სააგენტოს“ ორგანიზებითა და ხელშეწყობით სურსათის მწარმოებელი ქართული კომპანიები მონაწილეობენ.

სამინისტროს ინფორმაციით, გამოფენაზე, საქართველოს სტენდზე წვენების, თხილის,  მინერალური წყლისა და  ღვინის წარმოებელი ქართული კომპანიების პროდუქცია განთავსდა. გამოფენაში მონაწილეობენ შემდეგი კომპანიები: „არომაპროდუქტი“, „კულა“, „ნატექსი/ნატსჯი“, „საგა-2008“, “Anka Fair Trade“, “აერ კომპანი“,“Wine man“, „წყალი მარგებელი“.

საქართველოს ეკონომიკისა და მდგრადი განვითარების სამინისტროს სსიპ „მეწარმეობის განვითარების სააგენტო“ სისტემატურად ეხმარება ქართულ კომპანიებს, რათა მათ მონაწილეობა მიიღონ მსოფლიოს სხვადასხვა საერთაშორისო მნიშვნელობის სასურსათო გამოფენებში. ამით ხელი ეწყობა როგორც საქართველოში წარმოებული პროდუქციის პოპულარიზებას უცხოეთში, ასევე ყალიბდება სათანადო პლატფორმა ახალი სავაჭრო პარტნიორების შეძენისა და კონტაქტების დამყარების მიმართულებით.

„Polagra Food 2015” საკვები და სასმელი პროდუქტების სექტორში ერთ-ერთი მსხვილმასშტაბიანი ღონისძიებაა, რომლის საგამოფენო სივრცე 65 000-ზე მეტ ვიზიტორსა და 45 სხვადასხვა ქვეყნიდან 1 300-ზე მეტ მონაწილე კომპანიას აერთიანებს, რომელთა შორისაც გადაწყვეტილებათა მიმღებთა (decision-makers) სახით წარმოდგენილია კომპანიები: Aldik, Alma, API Market, Auchan, BAĆ-POL, Carrefour, Chata Poska, Czerwona Torebka, Delikatesy Centrum, Delikatesy Zielony koszyk, Dino, E. Leclerc, Eko, Emperia, EPI Market, Euro Sklep, Eurocash, Grupa Chorten, Grupa PASSA, Hitpol, Intermarche, Jeronimo Martins, Kaufland, Kolporter, LD Holding, Lewiatan, Lidl, Makro, Małpka, Netto, Piotr i Paweł, POLOmarket, Przyjazny Sklep, RABAT Detal, Selgros, Sieć Sklepów Poziomka, Słoneczko, Spar, Grupa Kapitałowa Specjał, Społem, Stokrotka, Tesco, Topaz, Zielony Market, Żabka Polska და სხვა.

საერთაშორისო გამოფენა „Polagra Food 2015” 24 სექტემბრამდე იფუნქციონირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს