ევროპული საქართველოს მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი, ლარის გაუფასურებას და ეროვნული ბანკის პოლიტიკას ეხმაურება.

ზურაბ ჭიაბერაშვილის თქმით, დღევანდელი ეკონომიკური კრიზისი არის შედეგი ივანიშვილის ხელისუფლების არასწორი ეკონომიკური პოლიტიკის, რომელიც კორონაკრიზისის არასწორმა მართვამ კიდევ უფრო გაამძაფრა. ჭიაბერაშვილმა აღნიშნა, რომ ამ ვითარებიდან ერთადერთი გამოსავალი არის გარდამტეხი ცვლილებები და არა ეროვნული ბანკის ერთჯერადი ინტერვენციები.

„ვერანაირი 40 ან თუნდაც 80  მილიონიანი ინტერვენციები ეროვნული ბანკიდან ვერ დააკომპენსირებს იმ უზარმაზარ ზიანს, რაც ქართულმა ეკონომიკამ, ლარმა და ჩვენი მოქალაქეების ჯიბემ  მიიღო განვლილი 8 წლის განმავლობაში ქართული ოცნების მიერ წარმოებული არასწორი ეკონომიკური პოლიტიკით.

ქართულმა ოცნებამ და ივანიშვილმა დაასუსტა ჩვენი ეკონომიკური იმუნიტეტი და  იმის ნაცვლად, რომ  კორონაკრიზისს, მაღალი ეკონომიკური ზრდით უფრო ჯანსაღად შევხვედროდით, ვხვდებით უფრო დასუსტებული ეკონომიკით და ბუნებრივია, კორონაკრიზისის პირობებში, მითუმეტეს იმ ჩაკეტვით რაც ქართულმა ოცნებამ გააკეთა, კიდევ უფრო სუსტად ვართ და კიდევ უფრო მეტ ზიანს იღებს ეკონომიკაც, ლარიც და ჩვენი მოქალაქეების ჯიბეც.

ამრიგად, გარდამტეხი ცვლილებების გარეშე, ამ ვითარების გამოსწორება, ეროვნული ბანკის ამგვარი ერთჯერადი ინტერვენციებით ვერ მოხერხდება“, - ზურაბ ჭიაბერაშვილი.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა