2020-09-04 17:15:15, 3211 ნახვა
სამართალი
ფილარმონიასთან, სავარაუდოდ, ჟანგბადის ბალონი აფეთქდა
საგანგებო სიტუაციების მართვის სამსახურის განცხადებით, ფილარმონიასთან, სავარაუდოდ, ჟანგბადის ბალონი აფეთქდა.
აფეთქების შედეგად გარდაცვლილია ერთი მუშა, ხოლო დაშავდა ორი.
„პირველად ინფორმაციით, შენობაში მიმდინარეობდა სარემონტო სამუშაოები. სავარაუდოდ, მოხდა ჟანგბადის ბალონის აფეთქება, რის შედეგადაც დაშავდა ორი მუშა, რომლებიც გადაყვანილი არიან სტაციონარში. სამწუხაროდ, გარდაცვლილია ერთი მამაკაცი. აფეთქებას ხანძარი არ მოჰყოლია", - განაცხადეს უწყებაში.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
