სვანეთში დაკარგული 13 წლის მოზარდის მამა, დავით ფილფანი მოსახლეობას მიმართავს და დახმარებას სთხოვს. 

ფილფანი მოქალაქეებს სთხოვს, რომ  თუ 13 წლის მოზარდს სადმე ნახავენ და მის შვილს მიამსგავსებენ, მას გაესაუბრონ. როგორც მოზარდის მამა ხსნის, თუ მოზარდი დალაპარაკებას ვერ შეძლებს, სავარაუდოდ, ეს მისი შვილია, რომელმაც ქართული არ იცის. 

"მივმართავ საქართველოს მოქალაქეებს - ყველა კეთილ და გულისხმიერ ადამიანს გთხოვთ, თუ ნახეთ 12-13 წლის ბიჭი ველოსიპედზე, რომელსაც მიამსგავსებთ ილიას ფოტოს და ეჭვი შეგეპარებათ, დაელაპარაკეთ და თუ ქართული არ ესმის, შესაძლოა, ეს ჩემი შვილია. დარეკეთ პოლიციაში, გაესაუბრეთ მას - შესაძლოა ძალიან დაგვეხმაროთ. ყველას მადლობას ვუხდი, ვინც სამაშველო ოპერაციაში იღებს მონაწილეობას. არ ვიცით, რა მიმართულებით წავიდა, შესაძლოა ის დაიკარგა და სხვა რეგიონში აღმოჩნდა. გთხოვთ, ნუ იქნებით გულგრილი", - ამბობს დავით ფილფანი, 

13 წლის ილია ფილფანი სახლიდან 18 ივლისს, ველოსიპედით გავიდა და მას შემდეგ უკან აღარ დაბრუნებულა. მას უკვე მე-9 დღეა ეძებენ. მოზარდის სამძებრო სამუშაოებში 80-მდე მაშველი და დრონია ჩართული. 

ავტორი: ექსპრესნიუსი,

სოციალური ქსელები

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას