მომღერალ თიკა მახალდიანის დედის მკვლელობის საქმეზე დაკავებული ყოფილი პოლიციელი, სოსო გაბრიაძე წინასწარ პატიმრობაში რჩება. 

პროკურატურამ არ დააკმაყოფილა დაცვის მხარის მოთხოვნა გირაოს სანაცვლოდ გაბრიაძის გათავისუფლების შესახებ.

საქმის პროკურორმა ლაშა კოტრიკაძემ განაცხადა, რომ „სასამართლომ სრულად დაუშვა როგორც ბრალდების მიერ წარმოდგენილი ისე დაცვის მხარის მიერ წარმოდგენილი მტკიცებულებები.

„სასამართლომ სრულად დაუშვა როგორც ბრალდების მიერ წარმოდგენილი ისე დაცვის მხარის მიერ წარმოდგენილი მტკიცებულებები. რაც შეეხება პატიმრობას, ბრალდების მხარე პირველი წარდგენის სხდომაზეც უთითებდა დანაშაულის საზოგადოებრივ საშიშროებას ასევე არსებობდა როგორ მიმალვის, ისე მტკიცებულებების დაფარვის საქმეები. ეს საფრთხეები იყო მაშინაც და არსებობს ახლაც. აქედან გამომდინარე პატიმრობა დარჩა ძალაში“, - განაცხადა კოტრიკაძე.

შემდეგი სასამართლო პროცესი 5 აგვისტოს, 12:00 საათზეა ჩანიშნული. ბრალის დამტკიცების შემთხვევაში, სოსო გაბრიაძეს 7-დან 14 წლამდე თავისუფლების აღკვეთა ემუქრება.

შეგახსნებთ, რომ 19 აპრილს, სოსო გაბრიაძე ვაჟა-ფშაველას გამზირზე, თავის საცხოვრებელ ბინაში იმყოფებოდა. ის ალკოჰოლური თრობის მდგომარეობაში გავიდა საცხოვრებელი ბინის აივანზე და თავისი კუთვნილი „ვიკინგის“ მოდელის ცეცხლსასროლი იარაღიდან განახორციელა რამდენიმე გასროლა საცხოვრებელი კორპუსების მიმართულებით. შედეგად, ერთ-ერთი ტყვია თავის არეში მოხვდა საკუთარ საცხოვრებელ ბინაში მყოფ მომღერალ თიკა მახალდიანის დედას, რომელიც მიღებული ცეცხლნასროლი ჭრილობის შედეგად ადგილზე გარდაიცვალა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა