„ევროპული საქართველო“ მთავრობას კარგი ეპიდსიტუაციის ქვეყნებთან ფრენების დაუყოვნებლივ აღდგენისკენ მოუწოდებს.

როგორც პარტიის ოფისში გამართულ ბრიფინგზე გიორგი კანდელაკმა განაცხადა, თუ რეგულარული ფრენები არ აღდგება შესაძლოა, საქართველოს ეკონომიკაში ტურიზმის სექტორიდან შემომავალი სამი მილიარდი დოლარი სრულიად დაიკარგოს.

„საზოგადოებისთვის ცნობილია რომ საქართველოს მთავრობის დაპირების მიუხედავად რეგულარული ფრენების პირველი ივლისიდან არგანახლების გამო ჩვენი ქვეყნის ტურიზმისთვის უმნიშვნელოვანესმა ავიაკომპანია „ვიზ ეარმა“ ქუთაისში საკუთარი ბაზა დახურა და ფრნეები გაურკვეველი ვადით გააუქმა. დღეს, „ვიზ ეარმა“ ახალი ბაზა გახსნა უკრაინის ქალაქ ლვოვში. ჩვენთვის ცნობილია რომ საქართველოს მთავრობა განიხილავს შესაძლებლობას რომ რეგულარული ფრენები ევროკავშირის იმ წევრ ქვეყნებთანაც კი სადაც კარგი ეპიდსიტუაციაა არ აღდგეს არც აგვისტოში და არც სექტემბერში.

იმ შემთხვევაში თუ მთავრობა მიიღებს ამგვარ გადაწყვეტილებას და რეგულარული ფრენები არ აღდგება დაუყოვნებლივ, სრულიად შესაძლებელია რომ სამი მილიარდი დოლარი რომელიც ჩვენს ეკონომიკაში ტურიზმიდან შემოდის და რომელზეც ათეულ ათასობით სამუშაო ადგილია სრულიად დაიკარგოს.

საზოგადოებას შევახსენებთ რომ მგზავთა რაოდენობით ავიაკომპანია „ვიზეარი“ საქართველოში პირველ ადგილზეა. ქუთაისის აეროპორტმა კი - მიუხედავად იმისა რომ გეგმიური ორი მილიონი მგზავრიდან ჯერ კიდევ შორსაა - 800 ათასზე მეტი მგზავრი გაატარა.

ამ ზიანის შესამცირებლად კიდევ ერთხელ მოვუწოდებთ მთავრობას დაუყოვნებლივ აღადგინოს რეგულარული საჰაერო მიმოსვლა ევროკავშირის იმ წევრ ქვეყნებთან სადაც ეპიდსიტუაცია შეფასებულია როგორც კარგი  - მაგალითად ბალტიის ქვეყნებთან, პოლონეთთან, დანიასთან და ა.შ.“, - აღნიშნავენ პარტიაში.

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს