2020-07-02 13:05:30, 4304 ნახვა

---

ვოლსკი - რომან გოცირიძეს მიაჩნია, რომ 25 მეტრის დაშორებით კოორდინატორს შეუძლია დაჟინებული მზერით ამომრჩეველზე გავლენა მოახდინოს

რომან გოცირიძეს მიაჩნია, რომ 25-მეტრის დაშორებით კოორდინატორს შეუძლია დაჟინებული მზერით გავლენა მოახდინოს ამომრჩეველზე, - ამის შესახებ პარლამენტის პირველმა ვიცე სპიკერმა, გია ვოლსკიმ ჟურნალისტებს განუცხადა.

მისი თქმით, ოპოზიციის მოთხოვნები ხშირად კომიკურია.

„მე ვფიქრობ, რომ სპეკულაციები გაცილებით უფრო მეტია, ვიდრე რეალობა. არავინ არავის არ შეზღუდავს, ვერ შეზღუდავს და იქნება სრული ინფორმაცია ყოველთვის ხელმისაწვდომი საზოგადოების ნებისმიერი წევრისთვის. ეს არის ფაქტი.

მოთხოვნებია ხოლმე ხშირად იმდენად კომიკური, თუნდაც დისტანცირებასთან დაკავშირებით. რომან გოცირიძემ თქვა, თუ არ დავაშორებთ საარჩევნო უბანსო, დისტანცია დიდი თუ არ იქნება, ადამიანებზე შეიძლება თვალებით იმოქმედოო, პირდაპირი გაგებით. თვალებით და შემდეგ ფსიქოლოგიური ზეგავლენა მოახდინო ადამიანებზე შეხედვით. რომან გოცირიძეს მიაჩნია, რომ 25-მეტრის დაშორებით კოორდინატორს შეუძლია დაჟინებული მზერით გავლენა მოახდინოს ამომრჩეველზე და ითხოვენ 500 მეტრს, რომელსაც საქართველოს ფართობი არ ეყოფა“, - განაცხადა გია ვოლსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი