საქართველოს ფინანსთა მინისტრი ნოდარ ხადური ჩინეთის ფინანსთა მინისტრის მოადგილეს ში იაობინს შეხვდა. მოლაპარაკებების დროს განხილვის ერთ-ერთი მთავარი თემა  ჩინეთსა და საქართველოს შორის ორმხრივი სავაჭრო-ეკონომიკური ურთიერთობების საკითხები იყო.

ფინანსთა მინისტრმა სტუმარს მადლობა გადაუხადა იმ მხარდაჭერისთვის, რომელსაც ჩინეთის მთავრობა უწევს საქართველოს როგორც ტექნიკური დახმარების, ისე გამოცდილების გაზიარების მიმართულებით.
"განსაკუთრებით მნიშვნელოვანია ის თანამშრომლობა, რომელიც აქტიურად მიმდინარეობს ფინანსთა სამინისტროსთან ჩვენი ქვეყნის საბაჟო ინფრასტრუქტურის აღჭურვის მიმართულებით",-აცხადებენ ფინანსთა სამინისტროში.

მხარეებმა ასევე იმედი გამოთქვეს, რომ გაგრძელდება აქტიური კომუნიკაცია ქართველ და ჩინურ კომპანიებს შორის სხვადასხვა სექტორში, მათ შორის ისეთ სფეროებში როგორიცაა: სოფლის მეურნეობა, ენერგეტიკა, ინფრასტრუქტურა, ჯანდაცვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს