სრულიად საქართველოს კათოლიკოს-პატრიარქის ილია მეორის ლოცვა-კურთხევით, 23 მაისს „აფხაზეთის დღე“ აღინიშნება.  

„აფხაზეთის დღესთან“ დაკავშირებით საქართველოს კათოლიკოს-პატრიარქის მოსაყდრემ, მეუფე შიომ სიონის საკათედრო ტაძარში პარაკლისი აღავლინა, რომელსაც დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი და აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ესწრებოდნენ.

„ამ დღის აღნიშვნას ყოველთვის თან ახლავს ტკივილი.  პირველ რიგში  საომარი მოქმედებების შედეგად გარდაცვლილ სამოქალაქო პირებსა და ჩვენს გმირ მებრძოლებს ვიხსენებთ. იმედს გამოვთქვამ, რომ ახლო მომავალში „აფხაზეთობას“  გაერთიანებული საქართველოს საზღვრებში ვიზეიმებთ.  მანამდე კი, ჩვენი მთავარი საზრუნავია ჩვენი დევნილი მოსახლეობის განსახლება, დასაქმება და მათთვის სოციალურ-ეკონომიკური მდგომარეობის გაუმჯობესება“, - განაცხადა ბესარიონ სიმონიშვილმა.

დევნილთა სააგენტოს დირექტორმა საქართველოს ტერიტორიული მთლიანობისთვის ბრძოლაში დაღუპულ გმირთა მემორიალი ყვავილებით შეამკო და მათ ხსოვნას პატივი კიდევ ერთხელ მიაგო.

ავტორი: NS (სტატია დაფინანსებულია),

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა