შრომის ინსპექტორების მიერ აღმოჩენილი დარღვევები საწარმოებში ძირითადად პერსონალურ დამცავ აღჭურვილობასა და ტემპერატურის დაცვას ეხება.

ამის შესახებ  შრომის,  ჯანმრთელობისა და სოციალური დაცვის მინისტრმა  დავით სერგეენკომ პრესკონფერენციაზე განაცხადა, სადაც მან შრომის ინსპექტირების სამსახურზე ისაუბრა.

მისივე თქმით, მინიტორინგისას არ გამოვლენილა შრომითი  ტრეფიკინგის, მათ შორის არასრულწლოვნების მუშაობის  არცერთი შემთხვევა.

„პირველი რასაც სამწუხაროდ ნაკლები ყურადღება ექცეოდა ეს არის პერსონალური დამცავი აღჭურვილობა. იქ სადაც, საჭირო არის ჩაფხუტი, დამცავი სათვალე, შუქამრეკლავი ჟილეტი და სპეციალური  ფეხსაცმელი, რომელიც იცავს ტრამვისგან. დარღვევის  და შენიშვნების პირველი ნაწილი სწორედ ამას მიეკუთვნება. ხარვეზების მეორე ნაწილი შესაბამის სამუშაო გარემოს ეხება, სადაც მნიშვნელოვანია ვენტილაცია, კონდინცირება.  გარემოს ტემპერატურის დაცვა, ასევე იყო შედარების უმნიშვნელო დარღვევა, როდესაც არ ხდებოდა შესაბამის ჟურნალში ხარვეზების დაფიქსირება, ანუ ხდებოდა დოკუმენტაციის დარღვევა.

სერგეენკოს თქმით, შრომის ინსპექტირების უმთავრესი პრიორიტეტებია შესაბამისი სამუშაო პირობები და შრომითი ტრეფიკინგი.

ამასთან,  როგორც ჯანდაცვის მინისტრმა განაცხადა,  შრომის ინსპექტორები დარღვევის აღმოჩენისას კომპანიებს რეკომენდაციებს აძლევენ და გამოსასწორებლად დრო აქვთ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა